आम्हाला सोयाबीन मधून जास्तीत जास्त उत्पन्न कसे मिळेल ते सांगा
गोगलगाय नियंत्रण करिता एकात्मिक व्यवस्थापण करणे आवश्यक आहे.
उपाययोजना
१) संध्याकाळी व सूर्योदयापूर्वी बाहेर आलेल्या तसेच दिवसा झाडावर लपलेल्या गोगलगायी हाताने गोळा करून साबणाच्या द्रावणात बुडवाव्यात. त्यानंतर जमिनीत खड्ड्यात पुरून टाकाव्यात किंवा रॉकेलमिश्रित पाण्यात बुडवून माराव्यात.
२) पिकामध्ये कोळपणी करावी त्यामुळे किडीची अंडी उघडी पडतील.
३) शेताभोवती 2 मी. पट्टयात राख, मोरचूद व चुना यांचे मिश्रण पसरावे.
४) शेतात ठिकठिकाणी कचरा, पपईचा पाला ढीग करून ठेवावे. सकाळी ढिगाखाली जमा झालेल्या गोगलगाय वेचून नष्ट कराव्यात.
४) गोगलगायींची भिन्नता आणि जीवनचक्रामुळे केवळ रासायनिक नियंत्रणाद्वारे गोगलगायी नियंत्रणात येत नाहीत. उपद्रव टाळण्यासाठी सामूहिकरीत्या व एकात्मिक पद्धतीने निर्मूलन करणे हाच सर्वांत प्रभावी मार्ग आहे.
५) रासायनिक पद्धतीमध्ये स्नेलकिल (मेटाल्डीहाईड २.५%) २-३ गोळी/ शेतात ठिकठिकाणी ठेवाव्यात.
सोयाबीनवर पिवळा मोझॅक या रोगाची लक्षणे दिसत आहे.
यावर्षीही हंगामाच्या सुरवातीलाच काही भागात सोयाबीनवर पिवळा मोझॅक (केवडा) या रोगाचा प्रादुर्भाव सुरू झालेला दिसून येतो आहे.
व्यवस्थापन:
१) या रोगाचा प्रसार पांढऱ्या माशी या रसशोषक किडीद्वारे केला जातो. त्यामुळे वेळीच या रोगाला ओळखून तसेच पांढऱ्या माशीचे नियंत्रण करून या रोगाचे व्यवस्थापन खालील प्रमाणे करावे.
२) लागवडीनंतर वेळोवेळी पिकाचे कीड व रोगांसाठी निरीक्षण आणि सर्वेक्षण करावे.
३) मोझॅक(केवडा) झालेली प्रादुर्भावग्रस्त पाने, झाडे दिसून येताच ती वेळोवेळी काढून नष्ट करावीत जेणेकरून निरोगी झाडांवर होणारा किडीचा व रोगांचा प्रसार कमी करणे शक्य होईल.
४)पांढऱ्या माशीचा प्रादुर्भाव कमी करण्यासाठी पिकामध्ये प्रति एकरी २० पिवळे चिकट सापळे लावावेत.
५)कमीत कमी पहिले ४५ दिवस पीक तणमुक्त ठेवावे.
६) प्रतिबंधात्मक उपाय म्हणून थायमिथोक्झाम १२.६ टक्के अधिक लॅम्बडा सिहॅलोथ्रीन ९.६ टक्के झेडसी ५० मिली किंवा असिटामिप्रीड २५ टक्के अधिक बाइफेन्थ्रीन २५ टक्के डब्ल्यूजी १०० ग्रॅम किंवा बीटा साइफ्लुथ्रीन ८.४९ टक्के अधिक इमिडाक्लोप्रीड १९.८१ टक्के ओडी १४० मिली यापैकी एका किटकनाशकाची फवारणी प्रति एकर याप्रमाणात करावी.